The war of AC & DC

 မင်္ဂလာပါ ခင်ဗျာ... 🙏🙏🙏

လျှပ်စစ်နဲ့ ပါတ်သက်တဲ့ ဗဟုသုတနဲ့ ပညာဒါနပို့စ်လေးတွေ မရေးဖြစ်တာ တစ်နှစ်တောင် ကျော်လာခဲ့ပီ့ပေါ့။ ခုပြန်ရေးဖို့ စိတ်ကူးလိုက်တော့ ဘယ်အကြောင်းရာကို ခေါင်းစဉ်တည်ရမလည်းလို့ စဉ်းစားရပြန်ရော။

  Admin Facebook Join ရန် နှိပ်ပါ

⚡ ခုလောလောဆယ်တော့ လျှပ်စစ်ပစ္စည်း components တွေအကြောင်းမပြောခင် လျှပ်စစ်နဲ့ပါတ်သက်တဲ့ ဗဟုသုတလေးတွေပဲ ပြေပြပေးသွားပါ့မယ်။

⚡ လျှပ်စစ် အကြောင်းကို တကယ်စိတ်ဝင်စားတဲ့သူတိုင်း Edison နဲ့ Tesla တို့ရဲ့ အကြောင်းလေးကို သိထားသင့်တယ်ထင်လို့ လေ့လာဖူးသလောက် ပြန်ပြောပြပါ့မယ်။

‍‍👨‍🦳Edison 

⚡ Edison ရဲ့ နာမည် အပြည့်အစုံကတော့ Thomas Alva Edison ဖြစ်ပါတယ်။ Edison ကို ၁၁ရက် ဖေဖော်ဝါရီလ ၁၈၄၇ခုနှစ် Milan, Ohio, United States မှာ မွေးဖွားခဲ့ပြီး ၁၈ရက် အောက်တိုဘာလ ၁၉၃၁ခုနှစ်မှာတော့ West Orange, New Jersey, United States မှာ ကွယ်လွန်ခဲ့ပါတယ်။

👨‍🦳Edison ဟာ ဘက်ထရီ (Battery) သို့မဟုတ် လောင်စာဆဲလ် (Fuel cell) ကဲ့သို့ လမ်းကြောင်းတစ်ခုတည်းကို အဆက်မပြတ်စီးဆင်းနေသည့် တိုက်ရိုက်လျှပ်စီးကြောင်းကို တီထွင်ခဲ့ပါတယ်။ လျှပ်စစ်ဓာတ်အား အစောပိုင်းနှစ်များမှာတော့ တိုက်ရိုက်လျှပ်စီးကြောင်း (Direct Current - DC) သည် U.S. ရဲ့ စံနှုန်းအဖြစ် ရှိခဲ့ပါတယ်။ ဒါပေမယ့် Edison မှာ ပြဿနာတစ်ခုရှိခဲ့ပါတယ်။ အဲ့တာက တိုက်ရိုက်လျှပ်စီးကြောင်း (DC) ဟာ ဗို့အား အနိမ့်/အမြင့် (Higher or Lower Voltage) ကို အလွယ်တကူ ပြောင်းလဲလို့မရတာကြောင့် ဖြစ်ပါတယ်။

👨‍🦳Edison ကလည်း သူ့ရဲ့ ဂုဏ်သိက္ခာ နဲ့ မူပိုင်ခွင့်ကို မဆုံးရှုံးချင်တဲ့အတွက် Alternating Current ကိုအသိမှတ်မပြုကြဖို့ လှုပ်ရှားမှု (Campaign) တစ်ခုကို စတင်ခဲ့ပါတယ်။ Edison က Alternating Current ဟာ အလွန်အန္တရာယ်ရှိ်ကြောင်း သတင်းတွေ ဖြန့်ဝေခဲ့ပါတယ်။ ဘယ်လောက်ထိတောင် လုပ်ပြခဲ့လဲဆိုတော့ Alternating Current ကို အသုံးပြုကာ သက်ရှိသတ္တဝါဖြစ်တဲ့ stray animals လေးတွေနဲ့ စမ်းသပ်ပြကာ ပြည်သူလူထုကို သူပြောတာမှန်ကြောင်း သက်သေပြခဲ့ပါတယ်။

👨‍🦱Tesla

⚡ Tesla ရဲ့ နာမည် အပြည့်အစုံကတော့ Nikola Tesla ဖြစ်ပါတယ်။ Tesla ကို ၉/၁၀ရက် ဇူလိုင်လ ၁၈၅၆ခုနှစ် Smiljan, Austrian Empire (ယခုအခေါ်ကတော့ Croatia ပါ) မှာ မွေးဖွားခဲ့ပါတယ်။ ၇ရက် ဇန္နဝါရီလ ၁၉၄၃ခုနှစ်မှာတော့ The New Yorker Hotel, New York, United States မှာ ကွယ်လွန်ခဲ့ပါတယ်။

👨‍🦱Tesla ကတော့ တစ်လှည့်စီပြောင်းလဲနိုင်သော လျှပ်စီးကြောင်း (Alternating Current - AC) သည် Edison ရဲ့ပြဿနာအတွက် ဖြေရှင်းချက်တစ်ခု ဖြစ်တယ်ဆိုတာကို ယုံကြည်ခဲ့ပါတယ်။ လျှပ်စီးကြောင်းသည် တစ်စက္ကန့်လျှင် ၆၀ကြိမ်နှုန်း (60Hz) ဖြင့် လမ်းကြောင်းပြောင်းနိုင်ပြီး Transformer ကို အသုံးပြုကာ ဗို့အား အနိမ့်/အမြင့် ကို အလွယ်တကူ ပြောင်းလဲနိုင်တယ်လို့ ဆိုပါတယ်။

⚡ ⚡ ⚡ ⚡ ⚡ ⚡ ⚡ ⚡ ⚡ ⚡ ⚡ ⚡ 

⚡၁၈၈၀ခုနှစ်နောက်ပိုင်းမှ စတင်ပြီးတော့ Edison နဲ့ Tesla တို့ဟာ လျှပ်စီးကြောင်းစစ်ပွဲ (The War of Currents) လို့လူသိများခဲ့တဲ့ စစ်ပွဲတစ်ခုကို စတင်ခဲ့ကြပါတယ်။

⚡၁၈၉၃ခုနှစ်မှာ Worlds Columbian Exposition လို့လူသိများတဲ့ Chicago Worlds Fair ကို ကျင်းပခဲ့ပါတယ်။ အဲ့ဒီအချိန်မှာလဲ Current War က တော်တော်လေး အရှိန်မြင့်နေပြီပဲဖြစ်ပါတယ်။

⚡ General Electric က Edison ရဲ့ Direct Current ကိုအသုံးပြုပြီး ပွဲတော် (Chicago Worlds Fair) ကို မီးအားပေးမယ်ဆိုရင် $554,000 ကုန်ကျမယ်လို့ ဈေးနှုန်းတင်သွင်းခဲ့ပါတယ်။ 

⚡ ဒါပေမယ့် George Westinghouse ကို ရှုံးနိမ့်ခဲ့ရပါတယ်။ သူ (George) က Tesla ရဲ့ Alternating Current ကိုအသုံးပြုပြီး ပြပွဲကို မီးအားပေးဖို့ $399,000 ပဲကုန်ကျမယ်လို့ ပြောခဲ့လို့ပါ။

⚡ ထိုနှစ်မှာပဲ Niagara Falls Power Company က Tesla ရဲ့ polyphase AC induction motor မူပိုင်ခွင့်ရထားသော Westinghouse အား နိုင်အာဂရာရေတံခွန် (Niagara Falls) မှ ပါဝါထုတ်လုပ်ဖို့ စာချုပ်ချုပ်ဆိုရန် ဆုံးဖြတ်ခဲ့ပါတယ်။

⚡ အချို့က နိုင်အာဂရာရေတံခွန်မှ New York ရဲ့ Buffalo တစ်ခုလုံးကိုသာ စွမ်းအားပေးနိုင်ကြောင်း သံသယရှိသော်လည်း Tesla ကတော့ Buffalo သာမက Eastern United တစ်ခုလုံးကိုပါ စွမ်းအားပေးနိုင်ကြောင်း ယုံကြည်ခဲ့ပါတယ်။

⚡၁၈၉၆ခုနှစ် နိုဝင်ဘာလ ၁၆ရက်နေ့မှာတော့ နိုင်အာဂရာရေတံခွန်မှ Alternating Current ဖြင့် Buffalo က မီးစတင်ထွန်းနိုင်ခဲ့ပါတယ်။

⚡ထိုအချိန်တွင် General Electric ကလည်း Alternating Current ကိုအသုံးပြုရန် ဆုံးဖြတ်ခဲ့ပါတယ်။

❗️ဒါဟာ Alternating Current ကအနိုင်ရသွားပြီး Direct Current ကိုဖျက်စီးလိုက်နိုင်တယ်လို့မြင်ရပေမယ့် နောက်ပိုင်းနှစ်ကာလတွေမှာတော့ Direct Current ဟာအနည်းငယ် ပြန်လည်ခေတ်စားလာခဲ့ပါတယ်။

🌎 ယနေ့ခေတ်မှာတော့ ကျွန်ုပ်တို့ဟာ အဓိကအားဖြင့် Alternating Current ကို အားထားပြီး သုံးနေကြသော်လည်း Computers, LEDs, Solar Cells, Electric Vehicles အစရှိသော လျှပ်စစ်ပစ္စည်းများ အားလုံးသည် DC Power ဖြင့်အသုံးပြု လည်ပတ်နေကြတာပဲ ဖြစ်ပါတယ်။ ထို့အပြင် Direct Current ကိုလည်း ဗို့အား အနိမ့်/အမြင့် သို့ အလွယ်တကူ ပြောင်းလဲနိုင်ခဲ့ကြပြီ ဖြစ်ပါတယ်။ Direct Current သည် ပိုမိုတည်ငြိမ်သောကြောင့် ကုမ္ပဏီများကလည်း ဗို့အားမြင့်မားသော တိုက်ရိုက်လျှပ်စီးကြောင်း (High Voltage Direct Current - HVDC) ကို အသုံးပြု၍ လျှပ်စစ်ဆုံးရှုံးမှုနည်းပြီး အကွာအဝေးများများသို့ လျှပ်စစ်ဓာတ်အား သယ်ယူပို့ဆောင်နိုင်ရန် နည်းလမ်းများကို ရှာဖွေနေကြတာပဲ ဖြစ်ပါတယ်။

⚡ဒါကြောင့် ``The war of currents´´ က မပြီးသေးဘူးလို့ ပြောရမှာပါပဲ။ သို့သော် AC နှင့် DC စစ်ပွဲကတော့ ဆက်လက် အရှိန်ပြင်း ယှဉ်ပြိုင်နေမည့်အစား ရေစီးကြောင်းနှစ်ခု ပေါင်းစပ်ပြီး တစ်ခုနှင့်တစ်ခု ယှဉ်တွဲကာ အလုပ်လုပ်နေတာကို တွေ့ရမှာပဲဖြစ်ပါတယ်။

✔သေချာတာတစ်ခုကတော့ Thomas Alva Edison နဲ့ Nikola Tesla တို့လို ပါရမီရှင်တွေသာ ရှိမလာခဲ့ရင် ကျွန်တော်တို့အနေနဲ့လည်း လျှပ်စစ်ဆိုတာကို အသုံးပြုနိုင်မှာ မဟုတ်ကြောင်း ပြောရင်းနဲ့ ဒီနေရာလေးမှာ နိဂုံးချုပ်ချင်ပါတယ်။

လျှပ်စစ်နဲ့ပတ်သတ်တဲ့ အကြောင်းတွေ apk လေးကတဆင့် အမြဲဖတ်ချင်သူတွေအတွတ် ဒီမှာ ဒေါင်းပြီး ဖတ်နိုင်ပါတယ်။ Pdf fileတွေလည်း တင်ပေးထားပါတယ်။

https://www.mediafire.com/download/x1zgokf6egvndyo

Or

https://mobidrive.com/sharelink/u/70hTGcg3wwRg8ZD0xnlL6p3boTQYVkVSFRYhPoF6hWg5

⚡ ယခု Post တွင်ရေးသားထားသော အချက်အလက်များအတွတ် မြန်မာစာဖြင့် မူရင်းရေးသားသူးအားလုံးနှင့် ကျေးဇူးတင်ထိုက်သူအားလုံး ကျေးဇူးတင်ရှိပါသည်။

ဖတ်ရှုပေးတာ ကျေးဇူးတင်ပါတယ်။

👨‍🔧👨‍🔧👨‍🔧 မိတ်ဆွေတို့အနေနဲ့  လိုအပ်တာလေးတွေ၊ အကြံပေးချင်တာလေးတွေရှိရင်လဲ Comment မှာ ရေးသွားပေးကြပါဦးနော်... ဗဟုသုတ တစ်စုံတစ်ရာ ရခဲ့ရင်လဲ Like and Share လုပ်ပေးကြပါဦးလို့ မေတ္တာရပ်ခံပါတယ်ခင်ဗျာ...