ဘထရီဖြုတ်ရာ သတိပြုစရာ

 မနေ့က တပြည့်တစ်ယောက်နဲ့ ပေါင်မုန့်စက်ရုံကို genset တစ်လုံး ဘထရီအားမဝင်လို့ သွားပြီး စစ်ဆေးရာမှာ






ရေးသားသူ FB သို့ သွားမည်

ငါ့ကောင်ရေ ဘထရီကြိုးတွေ

ဖြုတ်လိုက်လို့ ပြောတော့၊

၁၀ဂွ နှစ်ချောင်းကောက်ကိုင်ပြီး ဖြုတ်မယ်လုပ်နေတုန်း... နေအုံး, အနှုတ်ငုတ် အနက်က စဖြုတ်လို့ပြောလိုက်တော့ " ဆရာ ဘာလို့လည်း၊ အပေါင်းငုတ် အနီက စပြီး ဖြုတ်ရမှာ မဟုတ်ဘူးလား" လို့ ပြန်မေးတယ်။ မဟုတ်ဘူး၊ အန္တရာယ်ကင်းချင်ရင် အနှုတ်ငုတ် အနက်စကိုအရင်ဖြုတ်၊ ပြီးရင်နားလည်အောင် ရှင်းပြပေးမယ်လို့ပြောလိုက်တော့ မှ ဟုတ်ဆိုပြီး အနှုတ်ငုတ် အနက်စကို ဖြုတ်နေရင်း ပါးစပ်က "ကျနော်သိထားတာက အနီက အရင်ဖြုတ်လိုက်မှ မီးစက်ကို ဘထရီအားမရောက်ပြီး အန္တရာယ် ကင်းမယ်လို့ ထင်ထားတာ" ဆိုပြီး သူ့အထင်ကို ပြန်ပြောပြနေတယ်။


တကယ်တော့ ဘယ်ငုတ်က စပြီးဖြုတ်ဖြုတ် မှားတယ်လို့တော့ သတ်မှတ်ထားတာ မရှိပါဘူး။ ဒါပေမဲ့ လုပ်ငန်းခွင်မှာ အမှတ်မထင် ဖြစ်တတ်တဲ့ ပြသနာလေးတွေ ရှိတတ်လို့ အနက်ငုတ်ဘက်က အရက်ဖြုတ်ဖို့ အကြံပြုချင်ပါတယ်။


ဘာဖြစ်လို့လဲမေးရင် ဘထရီရဲ့ အနှုတ် (Negative Terminal) က မီးစက်ရဲ့ သံထည်ပစ္စည်းမှန်သမျှ တဆက်တည်း ဆက်သွယ်ထားပြီး Ground ချထားလို့ပါ။ မီးစက်မှ မဟုတ်ပါဘူး။ ကားတွေမှာလည်း ထိုနည်းအတိုင်းပါပဲ။ ဘထရီကနေ အနီကြိုးတစ်ချောင်းပဲ ဆွဲလာပြီး မီးသီးကိုတွဲတယ်။ ကျန်တစ်ဘက်ကို ကားဘော်ဒီနဲ့ ထိပေးလိုက်တာ  မြင်ဖူးကြမှာပါ။


 တကယ်လို့  အနှုတ်ငုတ် အနက်စကိို အရင်မဖြုတ်ဘဲ အပေါင်းကို အရင်ဖြုတ်လိုက်ပြီဆိုပါစို့။

အပေါင်းငုတ်မှာ တပ်ထားတဲ့ နက်ခေါင်းကိို  ဖြုတ်ရင်းနဲ့ မတော်တဆ သံထည်ဘော်ဒီနဲ့  သွားထိပြီဆို Short ကျသွားပါပြီ။ ဘာလို့လည်းဆို စောစောကပြောထားခဲ့တဲ့ အနှုတ်က ဘော်ဒီမှာ ground ချထားလို့ပါ။ Shortကျပြီ‌ဆို အနည်းဆုံး Spark ခတ်တာတို့ဖြစ်ပါတယ်။ ဒါ့အပြင် ကား/မီးစက် တွေမှာရှိတဲ့ Fuse ပျက်တာ၊ Relay တွေပျက်စီးတာ control circuitပျက်စီးတာတို့ ဖြစ်တတ်ပါတယ်။ ဘထရီတွေ ပျက်စီးသွားနိုင်သေးသလို ဓါတ်ဆီအင်ဂျင်/ကားတွေမှာဆို အလွန်ဆုံး မီးလောင်တာအထိ ဖြစ်နိုင်ပါတယ် ။


ဒါတွေကြောင့် ဘထရီ အပေါင်းငုတ်အနီစကို အရင်ဖြုတ်ခဲ့မယ်ဆို အနက်ငုတ်ကိုတင်မက စက်ရဲ့ ဘယ်သံထည်ပစ္စည်းမှ မထိမိဖို့ ဂရုစိုက်ကြရပါမယ်။

ဒါမှမဟုတ်ပဲ အနက်ငုတ်သာ အရင်ဖြုတ်ကြမယ်ဆိုရင်ဖြင့် အနီငုတ်ကလွဲပြီး ကျန်တာ ဘာကိုပဲထိထိ ဘာမှ မဖြစ်နိုင်တာမို့ အန္တရာယ်ဖြစ်နိုင်ချေကို အများကြီး လျှော့ချနိုင်ပါမယ်။


ဒီနညအတိုင်းပါပဲ။ တကယ်လို့ ဘထရီ ပြန်တပ်မယ်ဆိုရင်တော့ အပေါင်းငုတ် အနီကို အရင်ပြန်တပ်ရပါလိမ့်မယ်။

စောစောက ပြောထားသလိုပဲ။ အနှုတ်ငုတ် အနက်ကို မတပ်ရသေးလို့  အပေါင်းငုတ် အနီကို တပ်နေချိန် ဘယ်သံဘော်ဒီနဲ့ပဲထိထိ ပြသနာ မရှိတော့ပါဘူး။နောက်ပြီး အနှုတ်ငုတ် အနက်ကို တပ်ရာမှာလည်း အနှုတ်က စက်ရဲ့ ground ဖြစ်လို့ ဘယ်လိုပဲထိမိ ထိမိ ပြသနာမရှိလို့ အေးဆေးဖြစ်ပြီပေါ့။


ဖတ်ရှူသူအားလုံး ဗဟုသုတ တိုးပွားကြပါစေ
မေတ္တာဖြင့်
Aung Thu

Comments

Post a Comment

Popular posts from this blog

Pump Size တွက်နည်

Image
  ရေတင်ဖို့အတွက် ဘယ်လို Pump အမျိုးအစားသုံးမှရမယ် ဘယ်လိုတွက်ရမလဲ။ လိုအပ်နေသူတွေအတွက် တွတ်ချက်နည်းလေးမျှဝေလိုပါတယ်.။ Admin Facebook သို့ Join ရန်နှိပ်ပါ A TM Engineering Group 🛠️ Pump Size တွက်နည်း Pump size တွက်ချင်ရင် အရင်ဆုံး flow rate ကို အရင်ရှာရမယ် flow rate သိဖို့ over head tank size သိဖို့လိုမယ် over head tank ထဲကို ဘယ်နှစ်မိနစ်နဲ့ ရေဖြည့်ချင်တာလဲသိဖို့လိုမယ် ဒါကြောင့် ကိုယ့်တွက်မယ့် ဆ/ဦ ရဲ့ ground tank size ကိုအရင်ရှာမယ် e.g 2U 4 S အတွက်ဆို 1unit မှာ လူ (၅) ယောက်နေမယ် လူတစ်ယောက်က တစ်နေ့ကို gal 40 သုံးမယ် 2U4S ဆိုတော့ အားလုံး (၈)ခန်းရှိမယျ GT size တွက်ချင်ရင် (၂)ရက်စာ ထားတွက်ရမယ် 2U4Sအတွက် တစ်နေ့တာရေလိုအပ်ချက်ပမာဏ= 8ခန်း* 5ယောက်* 40 Gal = 1600 gal /day ရမယ် GT size က (၂) ရက်အတွက်ဆိုတော့ 1600 * 2= 3200 Gal ဖြစ်သွားမယ် OH tank size က တစ်နေ့တာရေလိုအပ်ချက် ပမာဏရဲ့ 50% ပဲရှိရမယ်ဆိုတော့ = 1600 gal/2= 800 Gal OH tank size ရမယ် OH tank size ရပြီဆို အဲ့ tank ထဲကို ဘယ်နှစ်မိနစ်နဲ့ ရေတင်ချင်တာလဲဆိုတဲ့ flow rate ကိုတွက်ရမယ် e.g 800 Gal OH tank ကို 15 မိနစ်နဲ့ရေတင်ချင်ရင် 15 m...
Read more

မိုးကြိုးလွှဲတပ်ဆင်ခြင်းဆိုင်ရာ သိထားရမည့်အခြေခံအကြောင်းရာများ

 မိုးကြိုးလွှဲတပ်ဆင်ခြင်းဆိုင်ရာ သိထားရမည့်အခြေခံအကြောင်းရာများ 🔹🔹🔹🔹🔹🔹🔹🔹🔹🔹🔹🔹🔹🔹🔹🔹 Facebook သို့ Join ရန် နှိပ်ပါ   မိုးကြိုးလွှဲစနစ်မှာပါဝင်သော အခြေခံအစိတ်အပိုင်းများမှာ... ~ ဖြစ်ပေါ်လာသော မိုးကြိုးကို ဖမ်းယူနိုင်သော မိုးကြိုးလွှဲ (Air Terminal) ~ မိုးကြိုးလွှဲ (Air Terminal) မှ ဖမ်းယူရရှိထားသော မိုးကြိုးလျှပ်စီးကို အဆောက်အဦးနှင့်သက်ရှိသတ္တဝါများကို မထိခိုက်စေဘဲ မြေကြီးစီသို့ ဆွဲချပေးသော ကြေးကြိုး (Down Conductor) များ ~ ကြေးကြိုး (Down Conductor) မှ ဆွဲချစီးဆင်းလာသော မိုးကြိုးလျှပ်စီးကို မြေကြီးထဲသို့ ခွဲဖြာစီးဆင်းစေသော မြေဓါတ်ချခြင်း (Earthing System) စနစ်များ ~ မိုးကြိုးလျှပ်စီးကြောင့် တစ်ဆင့်ခံဖြစ်လာသော ရှော့လျှပ်စီးများ (Over Voltage, Surge Voltage) ကို အကာအကွယ်ပေးသော မိုးကြိုးလွှဲ ဘရိတ်ကာ ( internal surge protector ) တွေ အဓိကပါဝင်ပါတယ်။ ....ဖော်ပြပါ အချက်ထဲက တခုခု မကောင်းရင် အချိတ်အဆက်မမိရင် မိုးကြိုးဒဏ်ကို ခံရမှာက အသေအချာပါ။  ♦️ လိုအပ်သောတပ်ဆင်မှုအချို့ကို လုပ်ကိုင်ဖူးသမျှ လေ့လာမိသမျှကို ဖော်ပြပေးလိုက်ပါတယ်။ တပ်ဆင်မည့်အမျိုးအစားပေါ်မူတည်၍ မူကွဲသတ်မှ...
Read more

အိမ်သုံးမီတာ ခန့်မှန်းတွတ်ချက်နည်း

 မီတာခ ဘယ်လိုတွက်မလဲ??? မူရင်းတင်ဆက်သူ FBသို့ သွားမည် ⚡လျှပ်စစ်ပစ္စည်းတိုင်းနီးပါးမှာ name plate Label လေးတွေပါပါတယ်။အဲဒီ Label လေးတွေမှာ အဲဒီလျှပ်စစ်ပစ္စည်းရဲ့ power supply voltage, Watt, Amp  ဆိုပြီး စတဲ့ စကားလုံးကို  ဖော်ပြပေးထားပါတယ်။  ခု‌တွတ်ချက်မှုမှာ kilowatt (KW)ကိုပဲ အသုံးပြုသွားမှာ ဖြစ်ပါတယ်။ ဒီအတွတ် သတိပြုရမှာက kilowatt (KW) ဆိုတဲ့ စာလုံးမတွေ့ရင် W,HP ဆိုတဲ့ စာလုံးတစ်ခုခုရှာပါ။  👉W တွေ့ရင် 1000နဲ့စားပါ။ ဥပမာ 2000Wလို့တွေ့ရင် 2000÷1000=2KW လို့ မှတ်ယူပါ 👉သို့မဟုတ် HP ကိုတွေ့ရင် 746နဲ့ မြှောက်ပေးပါ။ ဥပမာ 3HPလို့ တွေ့ရင် 3×746=2238W ရပါတယ်။ kilowatt(KW)ရဖို့ 1000နဲ့ ထက်စားရပါမယ်။ 2238W÷1000=2.24KW လို့ရပါတယ်။ ကဲ kilowatt အကြောင်းရရင် ကုန်ကျယူနစ် စတွတ်လို့ရပါပြီ တကယ်လို့ - မိတ်ဆွေအ်ိမ်မှာ 300Wရှိတဲ့ ရေခဲသေတ္တာ တစ်လုံးကို တစ်နေ့လုံး 24hr ဖွင့်ထားတယ်ဆိုပါစို့။ ဒါဆို 300 Watt ကို 1000နဲ့စားပါ။ ပြီးရင် အသုံးပြုမဲ့ ကြာချိန်နဲ့မြောက်ပါ။ ဒီတော့ (300÷1000)×24ဆိုတော့ 7.2KWH ဆိုပြီး ရပါတယ်။  1 Kilowatt-hour ဟာ လျှပ်စစ်မီတာ ၁ ယူနစ်ဖြစ်ပါတယ် ။ ဒါဆို ဒီဥပမာအရ ရ...
Read more