Relays & Transistors

 Relays & Transistors

မျှဝေသူFBသို့ သွားမည်

ဒီနေ့တော့ အင်ဂျင်နီယာတစ်ယောက် မသိမဖြစ်တဲ့ လျှပ်စစ်ပစ္စည်းတချို့အကြောင်းကို ဖော်ပြပေးချင်ပါတယ်။ သီအိုရီပုံစံမဟုတ်ပဲ တကယ့်လက်တွေ့မှာ အသုံးတည့်မယ့် ပုံစံမျိုးနဲ့ ဖော်ပြပေးမှာပါ။ ဒီပို့စ်ကို ဖတ်ပြီးသွားရင် လုပ်ငန်းခွင်၀င်တဲ့အခါ လျှပ်စစ် ပစ္စည်းတွေကို ပိုနားလည်လာမယ်လို့လဲ မျှော်လင့်ပါတယ်။ 

Relays 

Relay အကြောင်းနားလည်မှ ကျန်တာတွေကို ရှေ့ဆက်လို့ရမှာပါ။ Relay ဟာတကယ်တော့ ခလုတ်တမျိုးပါ။ Relay ဟာ လျှပ်စစ်လမ်းကြောင်းတစ်ခုကို အခြားလျှပ်စစ်လမ်းကြောင်းတစ်ခုနဲ့ အဖွင့်အပိတ်လုပ်တာပါ။ ပုံမှာပြထားတဲ့အတိုင်း ခလုတ်ကို ဖွင့်လိုက်ရင် ဘက်ထရီနဲ့ဆက်ထားတဲ့ ကွိုင် A မှာ လျှပ်စစ်စီးမယ်။ ဒီ လျှပ်စစ်ကနေ သံလိုက်စက်ကွင်းဖြစ်ပေါ်လာပြီး Relay ခလုတ်လေးက E အမှတ်ကနေ D အမှတ်ကို လာကပ်မယ်။ ဒီတော့ 230V က လျှပ်စစ်ပတ်လမ်းတစ်ခုလုံး စီးဆင်းသွားပြီး မီးလုံးလေး မီးလင်းလာလိမ့်မယ်။ Relay တွေကို လျှပ်စစ်နဲ့ ပတ်သက်တဲ့ နေရာတိုင်းလိုလိုမှာ အသုံးပြုတယ်။ ဗို့အားပမာဏ များပြားတဲ့ လျှပ်စစ်ပတ်လမ်းတွေကို ဗို့အားနည်းနည်းလေးနဲ့ ထိန်းချုပ်နိုင်တာ Relay ရဲ့ အားသာချက်ပဲ။

Transistors 

၁၉၆၀ လောက်မှ စတင်အသုံးပြုလာတဲ့ နောက်ဆုံးပေါ် လျှပ်စစ်ပစ္စည်းတစ်မျိုးပါ။ သူပေါ်ပြီးတာနဲ့ Computing ပညာရပ်တွေလဲ တဟုန်ထိုးတိုးတက်လာပြီး ကွန်ပျူတာတွေ လူတိုင်းသုံးလာနိုင်တာပေါ့။ Transistors တွေဟာ Semiconductor တွေဖြစ်ပြီး လားရာ တဘက်တည်း လျှပ်စစ်စီးပါတယ်။ Transistors တွေမှာ ငုတ် ၃ ခုရှိပြီး Base ၊ Emitter ၊ Collector လို့ ခေါ်ပါတယ်။ PNP နဲ့ NPN Transistors ဆိုပြီး အမျိုးအစားတွေလည်း ရှိပါသေးတယ်။ ထားပါတော့… လက်တွေ့ အသုံးတည့်ဖို့ပဲ ပြောပါမယ်။ Transistors တွေဟာလည်း Relay လိုပဲ ခလုတ်တမျိုးပဲ။ Base ကို လျှပ်စစ်လမ်းကြောင်းတစ်ခု လွှတ်ပေးမှ (တနည်းအားဖြင့် Signal တစ်ခုပေးမှ) Collector နဲ့ Emitter ငုတ် ၂ ခုမှာ လျှပ်စစ်စီးမယ် (လားရာကတော့ အမျိုးအစားပေါ်မူတည်ပြီး ကွဲပြားတယ်)။ လက်တွေ့မှာတော့ Transistor တွေကို လိုက်မရှာနဲ့။ တွေ့မှာမဟုတ်ဘူး။ ဘာလို့လဲဆိုတော့ Transistor အများစုဟာ ဆံချည်မျှင်ထက်သေးငယ်ပြီး ကွန်ပျူတာဆားကစ်တွေ IC (Integrated Circuit) ဆားကစ်တွေထဲမှာ ထည့်သွင်းထားလို့ပါ။ 

Relay နဲ့ Transistors ၂ ခုလုံးဟာ ခလုတ်တွေပဲ… ဒါပေမယ့် သူတို့ ၂ ခုမှာ ကွာခြားချက် ကြီးကြီးမားမား ၂ ခုရှိတယ်။ 

တစ်ခုကတော့ Relay တွေဟာ အလုပ်လုပ်ချိန် အရမ်းကြာတယ်။ တနည်းအားဖြင့် ကားတွေမှာ အသုံးပြုတဲ့ သိပ်ကောင်းပါတယ်ဆိုတဲ့ Relay တစ်လုံးဟာ တစ်စက္ကန့်မှာ အကြိမ် ၅၀ ထက်ပိုပြီး အလုပ်လုပ်ဖို့ဆိုတာ သိပ်တော့မဖြစ်နိုင်ဘူး။ ဟိုးအရင်တုန်းက Harvard Mark 1 ဆိုတဲ့ ကွန်ပျူတာ အကြီးကြီးမှာ Relay တွေကို အသုံးပြုခဲ့ကြတယ်။ အခုခေတ် ကွန်ပျူတာတွေလိုမျိုး အလွန်လျင်မြန်တဲ့ Computing တွေလုပ်ဖို့ကျတော့ Relay တွေက သိပ်နှေးလွန်းတာထက် သုံးလို့ကို မရတော့တဲ့ အဆင့်ဖြစ်သွားတယ်။ 

နောက်တစ်ခုကတော့ Relay တွေက ပျက်လွယ်တယ်။ စဉ်းစားကြည့်လေ Motherboard ထဲမှာ ထည့်ထားတဲ့ Relay ခဏခဏ ပျက်ရင် Motherboard ကြီး ခဏခဏ ပြင်နေရမှာပေါ့။ ဒီတော့ ကွန်ပျူတာတွေအတွက် Relay တွေနေရာမှာ Transistors တွေက အစားထိုး၀င်ရောက်သွားတာပါ။ 

ကျေးဇူးတင်ပါတယ်...

Crd,Kanaung Lab