Earth leakage Breaker အကြောင်း

 Earth leakage Breaker အကြောင်း











ရေးသားသူ FB သို့ သွားမည်

ခုညနေ အလုပ်က ပြန်လာတော့ ရေချိုးမယ်လုပ်တုန်း ရေကန်မှာ ရေနည်းနေတော့ ရေမော်တာ breaker လေး သွားတင်ရင်း အတွေးထဲ ဖျက်ခနဲ တစ်ခုခုကို သတိရမိသွားတယ်။

ဘာလည်းဆိုတော့ ဟိုတစ်နေ့က GP ထဲမှာ Earth leakage Breaker လို့ ခေါ်နေကြတဲ့ RCD ( residual current device) ကို တပ်ဆင်မယ်ဆိုရင် earth cable လိုလား မလိုဘူးလားလို့ မေးထားတာလေးကိုပါ။

တကယ်တော့ breaker ဆိုတာကတော့ သိပြီးထားကြတဲ့အတိုင်း သာမာန်မဟုတ်တဲ့ အခြေနေကို Break (ရပ်တန့်) ပေးတဲ့ ပစ္စည်းတစ်ခုပါပဲ။

ဘယ်အချိန် ဘယ်အခြေနေမှာ ရပ်တန့်(break)လုပ်မယ်ဆိုတာကတော့ အဲဒီ breaker ရဲ့ အဓိက လုပ်ဆောင်ချက်ပါ။


ခုက Earth leakage Breaker အကြောင်းဖြစ်လို့ Earth leakage ဆိုတာ ဘာလည်းဆိုတာ သိဖို့ လိုအပ်ပါတယ်။ leakage ဆိုတာကို တိုက်ရိုက်ဘာသာပြန်ရင် ယိုစိမ့်မှုပါပဲ။

ယိုစိမ့်မှုဆိုတာ ဘယ်လိုမျိုးလည်း?

 ကျနော်တို့ သွယ်တန်းထားတဲ့ ဝါယာကြိုးက ပေါက်ပြဲလို့ပဲဖြစ်ဖြစ် လျှပ်ကာ‌ခေါ် insulation မကောင်းလို့ ပဲဖြစ်ဖြစ် လျှပ်စစ် current က အခြားလျှပ်စစ်ကူးနိုင် စီးဆင်းနိုင်တဲ့ ပစ္စည်း၊ အရာဝတ္တု တစ်ခုခုနဲ့ ထိတွေ့နေပြီဆို leakage ဖြစ်နေပါပြီ။

အဲဒီ current စီးဆင်းခံနေရတဲ့ ပစ္စည်းတွေကနေ ဘယ်နည်းနဲ့မဆို တစ်နည်းနည်းနဲ့ current‌ေတွက earthဆီကို စီးဆင်းနိုင်ခဲ့ရင် Earth leakage ဖြစ်သွားပြီမို့ breaker trip ဖြစ်သွားပါတယ်။

ဥပမာ မြင်သာအောင်ပြောရရင် မီးဖိုချောင်မှာ သုံး‌ေနတဲ့ ဒယ်နီအိုးမှာ ကြိုးပေါက်ပြီး မီးဝင်နေပါတယ် ဆိုပါစို့။ အိမ်မှာ earth ကြိုးရှိနေပြီး ဒယ်နီ မှာ earth ကြိုးရှိနေရင် earth ကြိုးကတဆင့် breaker ကို trip ဖြစ်စေပါတယ်။

တကယ်လို့ earth cable မရှိရင် ဒယ်နီကို ကိုင်မိတဲ့သူ ဓါတ်လိုက်ပေမဲ့ လူကတဆင့် Earth leakage ဖြစ်စေတာကြောင့် breaker က current ခြားနားချက်ကြောင့် trip ဖြစ်ပါတယ်။

ဒါကြောင့် Earth leakage breaker ကိုတပ်ဆင်မယ်ဆို earth wire ရှိရှိ မရှိရှိ တပ်ဆင်လို့ရပါတယ်။ ဒါပေမဲ့ earth wire ရှိရင်တော့ လူကမကိုင်ခင် breaker trip အရင်ဖြစ်တာကြောင့် ပိုပြီး အန္တရာယ်ကင်းပါတယ်။ ငွေကြေးတတ်နိုင်ရင် earth wireသွယ်တန်းခြင်း အတွတ် တိုက်တွန်းခြင်ပါတယ်။

လူသားအားလုံး လျှပ်စစ် အန္တရာယ်မှ ကင်းရှင်းနိုင်ပါစေ။

မေတ္တာဖြင့် အခြေခံ လေ့လာသူများလည်း နားလည်အောင် ရေးသားထားခြင်းဖြစ်ပါသည်။

#Aung Thu (26.10.2020)

Comments

Post a Comment

Popular posts from this blog

အိမ်သုံးမီတာ ခန့်မှန်းတွတ်ချက်နည်း

 မီတာခ ဘယ်လိုတွက်မလဲ??? မူရင်းတင်ဆက်သူ FBသို့ သွားမည် ⚡လျှပ်စစ်ပစ္စည်းတိုင်းနီးပါးမှာ name plate Label လေးတွေပါပါတယ်။အဲဒီ Label လေးတွေမှာ အဲဒီလျှပ်စစ်ပစ္စည်းရဲ့ power supply voltage, Watt, Amp  ဆိုပြီး စတဲ့ စကားလုံးကို  ဖော်ပြပေးထားပါတယ်။  ခု‌တွတ်ချက်မှုမှာ kilowatt (KW)ကိုပဲ အသုံးပြုသွားမှာ ဖြစ်ပါတယ်။ ဒီအတွတ် သတိပြုရမှာက kilowatt (KW) ဆိုတဲ့ စာလုံးမတွေ့ရင် W,HP ဆိုတဲ့ စာလုံးတစ်ခုခုရှာပါ။  👉W တွေ့ရင် 1000နဲ့စားပါ။ ဥပမာ 2000Wလို့တွေ့ရင် 2000÷1000=2KW လို့ မှတ်ယူပါ 👉သို့မဟုတ် HP ကိုတွေ့ရင် 746နဲ့ မြှောက်ပေးပါ။ ဥပမာ 3HPလို့ တွေ့ရင် 3×746=2238W ရပါတယ်။ kilowatt(KW)ရဖို့ 1000နဲ့ ထက်စားရပါမယ်။ 2238W÷1000=2.24KW လို့ရပါတယ်။ ကဲ kilowatt အကြောင်းရရင် ကုန်ကျယူနစ် စတွတ်လို့ရပါပြီ တကယ်လို့ - မိတ်ဆွေအ်ိမ်မှာ 300Wရှိတဲ့ ရေခဲသေတ္တာ တစ်လုံးကို တစ်နေ့လုံး 24hr ဖွင့်ထားတယ်ဆိုပါစို့။ ဒါဆို 300 Watt ကို 1000နဲ့စားပါ။ ပြီးရင် အသုံးပြုမဲ့ ကြာချိန်နဲ့မြောက်ပါ။ ဒီတော့ (300÷1000)×24ဆိုတော့ 7.2KWH ဆိုပြီး ရပါတယ်။  1 Kilowatt-hour ဟာ လျှပ်စစ်မီတာ ၁ ယူနစ်ဖြစ်ပါတယ် ။ ဒါဆို ဒီဥပမာအရ ရ...
Read more

Voltage drop တွတ်ယူခြင်း နှင့် Cable size ရွေးချယ်ခြင်း

Image
 Voltage drop တွတ်ယူခြင်း နှင့် Cable size ရွေးချယ်ခြင်း  တော်တော် များများ က wire size က current ခံနိုင်ရည် ( cable current rating table ပုံ -၁) ကိုကြည့် ကိုယ်သုံးမဲ့ load size ရဲ့ amp နဲ့ယှဉ်ပြီး အဲအတိုင်း  သုံးလို့ ရတယ်ထင်နေတယ် ။ မူရင်း ရေးသားသူ FB သို့ တကယ်တော့ ကြိုးရှည်လာတာနဲ့ voltage drop လည်း များလာတာကို သတိပြုဖို့ လိုအပ်ပါတယ်။ ဥပမာ 1.5 mm² wire က current 17/-18 Amp စီးဆင်းမှု ခံနိုင်လို့  ပြောထားပါတယ်။ အဲ 1.5mm² wire နဲ့ 2000W ရှိတဲ့ load တစ်ခုကို သုံးမယ်။ 1800W load က 10Aလောက်ပဲ ဆွဲတာမို့ 1.5mm² နဲ့အဆင်ပြေနိုင်လို့ ဘယ်လောက်ပဲ ဝေးဝေး ခံနိုင်တယ်လို့ မှတ်ယူလို့ မရပါဘူး။ Volt drop ကို ဘယ်လို တွက်ယူလဲ ဆိုတော့ cable တခုမှာပါတဲ့ resistance(R) , reactance(X) နဲ့  impedance(z) တွေ ကို မူတည်ပြီး တွက်ချက်ရပါတယ် ။ အဲ ဒီ ကိန်း ဂဏန်းတွေ က ဘယ် ကရလဲ ဆိုရင်တော့ Cable ထုတ်တဲ့ company တွေရဲ့ data တွေ မှာ ပါတတ်ပါတယ် ။ အဲdata တွေသိမှ တွတ်ယူလို့ရမှာဖြစ်ပါတယ်။ ပုံ (၂)မှာလည်း ကြည့်နိုင်ပါတယ်။ volt drop ကိုတွတ်ယူဖို့ ပုံသေနည်းက ဒီလိုရှိပါတယ်။ 📝Single phase Volt drop =2I(Rcos∅ ...
Read more

မိုးကြိုးလွှဲတပ်ဆင်ခြင်းဆိုင်ရာ သိထားရမည့်အခြေခံအကြောင်းရာများ

 မိုးကြိုးလွှဲတပ်ဆင်ခြင်းဆိုင်ရာ သိထားရမည့်အခြေခံအကြောင်းရာများ 🔹🔹🔹🔹🔹🔹🔹🔹🔹🔹🔹🔹🔹🔹🔹🔹 Facebook သို့ Join ရန် နှိပ်ပါ   မိုးကြိုးလွှဲစနစ်မှာပါဝင်သော အခြေခံအစိတ်အပိုင်းများမှာ... ~ ဖြစ်ပေါ်လာသော မိုးကြိုးကို ဖမ်းယူနိုင်သော မိုးကြိုးလွှဲ (Air Terminal) ~ မိုးကြိုးလွှဲ (Air Terminal) မှ ဖမ်းယူရရှိထားသော မိုးကြိုးလျှပ်စီးကို အဆောက်အဦးနှင့်သက်ရှိသတ္တဝါများကို မထိခိုက်စေဘဲ မြေကြီးစီသို့ ဆွဲချပေးသော ကြေးကြိုး (Down Conductor) များ ~ ကြေးကြိုး (Down Conductor) မှ ဆွဲချစီးဆင်းလာသော မိုးကြိုးလျှပ်စီးကို မြေကြီးထဲသို့ ခွဲဖြာစီးဆင်းစေသော မြေဓါတ်ချခြင်း (Earthing System) စနစ်များ ~ မိုးကြိုးလျှပ်စီးကြောင့် တစ်ဆင့်ခံဖြစ်လာသော ရှော့လျှပ်စီးများ (Over Voltage, Surge Voltage) ကို အကာအကွယ်ပေးသော မိုးကြိုးလွှဲ ဘရိတ်ကာ ( internal surge protector ) တွေ အဓိကပါဝင်ပါတယ်။ ....ဖော်ပြပါ အချက်ထဲက တခုခု မကောင်းရင် အချိတ်အဆက်မမိရင် မိုးကြိုးဒဏ်ကို ခံရမှာက အသေအချာပါ။  ♦️ လိုအပ်သောတပ်ဆင်မှုအချို့ကို လုပ်ကိုင်ဖူးသမျှ လေ့လာမိသမျှကို ဖော်ပြပေးလိုက်ပါတယ်။ တပ်ဆင်မည့်အမျိုးအစားပေါ်မူတည်၍ မူကွဲသတ်မှ...
Read more