Auto Change Over အလွယ် တပ်ဆင်နည်း

 Auto Change Over အလွယ် တပ်ဆင်နည်း







‌ရေးသားသူ FB သို့ သွားရန်

ဒီနေ့အတွတ် ပြောပြပေးမဲ့အ‌ေကြာင်းရာလေးက အိမ်မှာဖြစ်ဖြစ် စက်ရုံတွေမှာဖြစ်ဖြစ် လိုသလိုသုံးလို့ရပြီး အသုံးဝင်မဲ့ Auto Change over , Control wiring လေးပါ။ အရမ်းလွယ်သလို လက်တွေ့မှာ တကယ်အသုံးလည်း ဝင်ပါတယ်။

👉အိမ်မှာ လက်လှည့် change over တွေ မသုံးချင်တော့လို့ပဲဖြစ်ဖြစ်

👉မီးပျက်ရင် အင်ဗာတာခလုပ်ကို အမှောင်ထဲ လိုက်ရှာဖွင့်နေရလို့ပဲဖြစ်ဖြစ်

👉မီးပျက်ရင် မီးစက်ကို အပြေးေပြးပြီး မောင်းနေရလို့ စိတ်ညစ်နေလို့ပဲဖြစ်ဖြစ်

အခုပြောပြပေးမဲ့ MC Control အကြောင်းရာလေးက အဆုံးသတ်ပေးပါလိမ့်မယ်။

MC ရဲ့ သဘောတရား လုပ်ဆောင်ချက်လေးတွေ သိထားမယ်ဆိုရင် ပုံလေးကြည့်လိုက်တာနဲ့ တမ်းပြီး နားလည်သဘောပေါက်နိုင်ပါတယ်။ ဒါပေမဲ့ လေ့လာဆဲ လူငယ်တွေအတွတ် အသေးစိတ်ပြောပြထားပါတယ်။ ‌လိုက်လုပ်ကြည့်ပါ။ အဆင်ပြေအောင် အသေးစိတ်ရှင်းပြထားပါတယ်။

Auto Change over လေးလုပ်ဖို့ MC 2လုံးလိုပါမယ်။ ရေဘူယျအားဖြင့် MC တစ်လုံးမှာ input power line အတွတ် L1(1), L2(3) , L3(5) ဆိုပြီးသတ်မှတ်ပေးထားပြီး output load side ကို T1(2), T2(4), T3(6)ဆိုပြီး သတ်မှတ်ပေးထားပါတယ်။ နောက်ပြီး

NC, NO နဲ့ A1, A2 ဆိုတဲ့ စာသားလေးတွေ ပါတာကို မြင်တွေ့ရပါလိမ့်မယ်။

230V MC ဆိုရင် A1နဲ့ A2 ကို Line,Neutral ပါဝါ‌ ပေးလိုက်ရင် MC ကပ်ပါတယ်။

တကယ်လို့380V_ MC ဆိုရင် A1နဲ့A2ကို R,Y,B line 3လိုင်းထဲက ကြိုက်ရာ Line 2ကြိုးမှ powerပေးလိုက်ရင် MC အလုပ်လုပ်ပါ့မယ်။ ခုက အိမ်သုံးဆိုတော့ 230V MC နဲ့ပေါ့။

MC‌ေတွမှာပါတဲ့ NC ဆိုတာက normally close လို့ပြောတာပါ။ သာမာန်အချိန်မှာ contact point လေးတွေက ကပ်နေတယ် ထိနေတယ်ပေါ့။ NC ပွိုင့်နှစ်ခုကို မီတာထောက်ကြည့်ပါက အဆက်သွယ်ရှိနေတာတွေ့ရပါလိမ့်မယ်။

NOဆိုတာကတော့ normally open ပါ။ သာမာန်အချိန်မှာ contact point တွေဟာ ပွင့်နေကွာနေကြလို့ မီတာထောက်ကြည့်ရင် ပြတ်တောက်နေတာ တွေ့ရမှာပါ။

စာသားနည်းနည် ရှည်သွားပြီ ဒီလောက်ဆို MCရဲ့ သဘောတရားလောက်တော့ သိလောက်ပြီထင်ပါတယ်။

ခု Auto Change over wiring လေး ဆက်ပြောပြပါ့မယ်။

Control circuit ကိုပဲ ပြောပါ့မယ် ။


EPC👇

EPC က လာတဲ့ Nကို MC 2ရဲ့ A1 or A2 တစ်ခုခုနဲ့ဆက်သွယ်လိုက်ပါ။ Lကို နှစ်ခုထဲက ကျန်တဲ့ Aတစ်ခုကိုဆက်ပါ။ Line ကြိုးကိုပုံမှာတော့ ခလုပ်ခံပေးထားပါတယ်။ မခံလည်း ရပါတယ်။ အပေါ်မှာ breaker ပါလို့ပါ။ A1ရော A2 ရော L, N power ပေးလိုက်လို့ MC ကပ်ပါပြီ။ power circuit သွယ်တန်းပြီးသားဆိုရင် အိမ်ထဲကို မီးရောက်ပါပြီ။


Solid👇

ဆိုလာက လာတဲ့ Nကိုလည်း MC1မှာ A1 or A2 တစ်ခုခုနဲ့ ဆက်သွယ်လိုက်ပါ။ ဒီတစ်ခါ ဆိုလာက Lကို ကျန်A တစ်ခုမှာ မဆက်သွယ်ခင် MC 2ရဲ့ NC ကို ဖြတ်ပြီးမှ MC1 ရဲ့ကျန်တဲ့ A တစ်ခုကို ဆက်သွယ်ရပါမယ်။

ဒါဆို Auto Change over ပြီးပါပြီ။

MC 2ရဲ့ A1 &A2 ကို EPC ကနေတိုက်ရိုက် power ပေးထားလို့ MC က မီးလာချိန်ဆို ကပ်နေ ပါလိမ့်မယ်။ကပ်နေချိန် MC2ရဲ့ NCက NOအခြေနေ ဖြစ်သွားလို့ ဆိုလာက လာတဲ့ Lက အဲနေရာမှာပဲ ပြတ်တောက်နေပြီး MC 1 အလုပ်မလုပ်နိုင်ပါဘူး။ တကယ်လို့ epc မီးပြတ်သွားချိန် MC2 က ပြန်ကွာသွားပြီး NCပြန်ဖြစ်သွားပြီး MC1 ကပ်သွားပါမယ်။ မီးပြန်လာချိန် MC2 ပြန်ကပ်ပါမယ်။ 

ဒီလောက်ဆိုအားလုံး အဆင်ပြေကြမယ်ထင်ပါတယ်။နောက်တစ်ပတ်မှာ 3 way auto Change over ဆင်နည်းလေးပြောပြမှာမို့ ခုဟာလေး နားလည်အောင် လေ့ကျင့်ထားစေချင်ပါတယ်။

အပတ်စဥ်တိုင်း လျှပ်စစ်နဲ့ ပတ်သက်တဲ့ ဗဟုသုတများ ရေးသားမျှဝေပေးသွားမှာဖြစ်လို့

အဆင်ပြေတယ်ဆို စောင့် မျှော် ပေးကြပါအုံး

Aung Thu (26/9/2020)

Comments

Post a Comment

Popular posts from this blog

အိမ်သုံးမီတာ ခန့်မှန်းတွတ်ချက်နည်း

 မီတာခ ဘယ်လိုတွက်မလဲ??? မူရင်းတင်ဆက်သူ FBသို့ သွားမည် ⚡လျှပ်စစ်ပစ္စည်းတိုင်းနီးပါးမှာ name plate Label လေးတွေပါပါတယ်။အဲဒီ Label လေးတွေမှာ အဲဒီလျှပ်စစ်ပစ္စည်းရဲ့ power supply voltage, Watt, Amp  ဆိုပြီး စတဲ့ စကားလုံးကို  ဖော်ပြပေးထားပါတယ်။  ခု‌တွတ်ချက်မှုမှာ kilowatt (KW)ကိုပဲ အသုံးပြုသွားမှာ ဖြစ်ပါတယ်။ ဒီအတွတ် သတိပြုရမှာက kilowatt (KW) ဆိုတဲ့ စာလုံးမတွေ့ရင် W,HP ဆိုတဲ့ စာလုံးတစ်ခုခုရှာပါ။  👉W တွေ့ရင် 1000နဲ့စားပါ။ ဥပမာ 2000Wလို့တွေ့ရင် 2000÷1000=2KW လို့ မှတ်ယူပါ 👉သို့မဟုတ် HP ကိုတွေ့ရင် 746နဲ့ မြှောက်ပေးပါ။ ဥပမာ 3HPလို့ တွေ့ရင် 3×746=2238W ရပါတယ်။ kilowatt(KW)ရဖို့ 1000နဲ့ ထက်စားရပါမယ်။ 2238W÷1000=2.24KW လို့ရပါတယ်။ ကဲ kilowatt အကြောင်းရရင် ကုန်ကျယူနစ် စတွတ်လို့ရပါပြီ တကယ်လို့ - မိတ်ဆွေအ်ိမ်မှာ 300Wရှိတဲ့ ရေခဲသေတ္တာ တစ်လုံးကို တစ်နေ့လုံး 24hr ဖွင့်ထားတယ်ဆိုပါစို့။ ဒါဆို 300 Watt ကို 1000နဲ့စားပါ။ ပြီးရင် အသုံးပြုမဲ့ ကြာချိန်နဲ့မြောက်ပါ။ ဒီတော့ (300÷1000)×24ဆိုတော့ 7.2KWH ဆိုပြီး ရပါတယ်။  1 Kilowatt-hour ဟာ လျှပ်စစ်မီတာ ၁ ယူနစ်ဖြစ်ပါတယ် ။ ဒါဆို ဒီဥပမာအရ ရ...
Read more

Voltage drop တွတ်ယူခြင်း နှင့် Cable size ရွေးချယ်ခြင်း

Image
 Voltage drop တွတ်ယူခြင်း နှင့် Cable size ရွေးချယ်ခြင်း  တော်တော် များများ က wire size က current ခံနိုင်ရည် ( cable current rating table ပုံ -၁) ကိုကြည့် ကိုယ်သုံးမဲ့ load size ရဲ့ amp နဲ့ယှဉ်ပြီး အဲအတိုင်း  သုံးလို့ ရတယ်ထင်နေတယ် ။ မူရင်း ရေးသားသူ FB သို့ တကယ်တော့ ကြိုးရှည်လာတာနဲ့ voltage drop လည်း များလာတာကို သတိပြုဖို့ လိုအပ်ပါတယ်။ ဥပမာ 1.5 mm² wire က current 17/-18 Amp စီးဆင်းမှု ခံနိုင်လို့  ပြောထားပါတယ်။ အဲ 1.5mm² wire နဲ့ 2000W ရှိတဲ့ load တစ်ခုကို သုံးမယ်။ 1800W load က 10Aလောက်ပဲ ဆွဲတာမို့ 1.5mm² နဲ့အဆင်ပြေနိုင်လို့ ဘယ်လောက်ပဲ ဝေးဝေး ခံနိုင်တယ်လို့ မှတ်ယူလို့ မရပါဘူး။ Volt drop ကို ဘယ်လို တွက်ယူလဲ ဆိုတော့ cable တခုမှာပါတဲ့ resistance(R) , reactance(X) နဲ့  impedance(z) တွေ ကို မူတည်ပြီး တွက်ချက်ရပါတယ် ။ အဲ ဒီ ကိန်း ဂဏန်းတွေ က ဘယ် ကရလဲ ဆိုရင်တော့ Cable ထုတ်တဲ့ company တွေရဲ့ data တွေ မှာ ပါတတ်ပါတယ် ။ အဲdata တွေသိမှ တွတ်ယူလို့ရမှာဖြစ်ပါတယ်။ ပုံ (၂)မှာလည်း ကြည့်နိုင်ပါတယ်။ volt drop ကိုတွတ်ယူဖို့ ပုံသေနည်းက ဒီလိုရှိပါတယ်။ 📝Single phase Volt drop =2I(Rcos∅ ...
Read more

မိုးကြိုးလွှဲတပ်ဆင်ခြင်းဆိုင်ရာ သိထားရမည့်အခြေခံအကြောင်းရာများ

 မိုးကြိုးလွှဲတပ်ဆင်ခြင်းဆိုင်ရာ သိထားရမည့်အခြေခံအကြောင်းရာများ 🔹🔹🔹🔹🔹🔹🔹🔹🔹🔹🔹🔹🔹🔹🔹🔹 Facebook သို့ Join ရန် နှိပ်ပါ   မိုးကြိုးလွှဲစနစ်မှာပါဝင်သော အခြေခံအစိတ်အပိုင်းများမှာ... ~ ဖြစ်ပေါ်လာသော မိုးကြိုးကို ဖမ်းယူနိုင်သော မိုးကြိုးလွှဲ (Air Terminal) ~ မိုးကြိုးလွှဲ (Air Terminal) မှ ဖမ်းယူရရှိထားသော မိုးကြိုးလျှပ်စီးကို အဆောက်အဦးနှင့်သက်ရှိသတ္တဝါများကို မထိခိုက်စေဘဲ မြေကြီးစီသို့ ဆွဲချပေးသော ကြေးကြိုး (Down Conductor) များ ~ ကြေးကြိုး (Down Conductor) မှ ဆွဲချစီးဆင်းလာသော မိုးကြိုးလျှပ်စီးကို မြေကြီးထဲသို့ ခွဲဖြာစီးဆင်းစေသော မြေဓါတ်ချခြင်း (Earthing System) စနစ်များ ~ မိုးကြိုးလျှပ်စီးကြောင့် တစ်ဆင့်ခံဖြစ်လာသော ရှော့လျှပ်စီးများ (Over Voltage, Surge Voltage) ကို အကာအကွယ်ပေးသော မိုးကြိုးလွှဲ ဘရိတ်ကာ ( internal surge protector ) တွေ အဓိကပါဝင်ပါတယ်။ ....ဖော်ပြပါ အချက်ထဲက တခုခု မကောင်းရင် အချိတ်အဆက်မမိရင် မိုးကြိုးဒဏ်ကို ခံရမှာက အသေအချာပါ။  ♦️ လိုအပ်သောတပ်ဆင်မှုအချို့ကို လုပ်ကိုင်ဖူးသမျှ လေ့လာမိသမျှကို ဖော်ပြပေးလိုက်ပါတယ်။ တပ်ဆင်မည့်အမျိုးအစားပေါ်မူတည်၍ မူကွဲသတ်မှ...
Read more